ایک نیوز: پاکستان نے جوابی وار میں بھارت کا انفنٹری بریگیڈ ہیڈ کواٹر بھی تباہ کر دیا،ایل او سی پر 40بھارتی فوجی چیک پوسٹ چھوڑ کر بھاگ گئے،بھارتی فوج نے چورا پوسٹ پر سفید جھنڈا لہرا کر شکست تسلیم کر لی۔

پاکستان نے بھارت کے 5طیارے مارگرائےجن میں 3رافیل 1مگ اور ایک 30ایس یو شامل ہیں،پاک فوج نے بھارت کا ایک ڈارون بھی مار گرایا، پاک فوج نے بھارت کی پانڈو چیک پو سٹ کو بھی تباہ کیا،پاک فوج نےدودنیال سیکٹر پر بھارتی چیک پوسٹ بھی اڑا دی۔

 لائن آف کنٹرول پر مزید بھارتی پوسٹیں تباہ کی گئیں،لائن آف کنٹرول پر پاک فوج کی موثر جوابی کارروائیاں جاری ہیں، لائن آف کنٹرول، بٹل سیکٹر میں دشمن کی دھرمسل 1اور 2پوسٹیں بھی تباہ ،لائن آف کنٹرول کے نیزہ پیر سیکٹر کےمقابل بھارتی فوج کی شاہپور3پوسٹ بھی تباہ کر دی گئی۔

دشمن کی پوسٹوں کو مارٹر گولوں سے نشانہ بنایا گیا ، بھارتی جارحیت کا پاک فوج اُسی کی زبان میں جواب دے رہی ہے،پاکستان کی مسلح افواج کی جوابی کارروائیوں میں دشمن کا بھاری نقصان ہو اہے۔

خیال رہے کہ گزشتہ رات بھارت نے اپنی فضائی حدود سے بہاولپور، کوٹلی، مظفرآباد میں میزائل داغے ہیں اور بلااشتعال بزدلانہ حملہ کیا ہے جبکہ پاک فوج نے بھارت کو منہ توڑ جواب دیتے ہوئے 5 جہاز مار گرائے۔

ڈی جی آئی ایس پی آر میجرجنرل احمد شریف نے کہا کہ پہلے بزدل دشمن ہندوستان نے پاکستان میں مسجد سبحان اللہ بہاولپور احمد پور ایسٹ کے علاقے میں، کوٹلی اور مظفر آباد میں تین جگہ فضا سے میزائل داغے ہیں۔

انہوں نے کہا کہ ہماری فضائیہ کے جہاز ہمہ وقت تیار ہیں، بھارت نے بزدلانہ حملہ کیا ہے، جو بلااشتعال اور شرم ناک حملہ ہے اور یہ اپنی فضائی حدود کے اندر سے کیا ہے۔

میجرجنرل احمد شریف نے کہا کہ بھارت نے یہ حملہ اپنی فضائی حدود سے کیا ہے لیکن انہیں ہماری حدود میں داخل ہونے اور پاکستانی حدود کی خلاف ورزی کی اجازت نہیں دی جائے گی۔