ویب ڈیسک:پاکستان سپر لیگ ٹین میں دلچسپ مقابلے جاری ہیں،لیگ اپنے آخری مراحل کی جانب گامزن ہے۔
گزشتہ روز25ویں میچ میں پشاور زلمی نے ملتان سلطانزکو 7وکٹوں سے شکست دے دی تھی،ملتان میں کھیلے گئے میچ میں ملتان سلطانز نے پشاور زلمی کیخلاف ٹاس جیت کر بیٹنگ کا فیصلہ کیا تھا۔
ملتان سلطانز کی پوری ٹیم 19 اعشاریہ ایک اوور میں 108 رنز بنا کر آؤٹ ہوگئی، شائی ہوپ 23 اور طیب طاہر 22 رنز بنا کر نمایاں رہے،پشاور زلمی کے احمد دانیال نے 3، معاز صداقت اور لوک ووڈ نے 2،2 وکٹیں حاصل کیں۔
 پشاور زلمی نے 109رنز کا ہدف 13 اوورز میں حاصل کرلیاتھا،پشاور زلمی کےصائم ایوب نے 49 اور میکس برائنٹ نے 38 رنز کی اننگز کھیلی تھی۔

یہ بھی پڑھیں : پشاور زلمی نے ملتان سلطانز کو 7وکٹوں سے شکست دیدی 

پاکستان کرکٹ بورڈکا کہنا ہے کہ پی ایس ایل11میں8ٹیمیں حصہ لیں گی، حیدرآباد، میرپورخاص، فیصل آباد اورسیالکوٹ میں سے2ٹیمیں ہوسکتی ہیں۔
پاکستان کرکٹ بورڈ حکام نے قائمہ کمیٹی برائے کابینہ سیکریٹریٹ کو بریفنگ دی، اس موقع پر چیئرمین پی سی بی اور سی ای او کی عدم موجودگی پر قائمہ کمیٹی نے برہمی کا اظہارکیا،سی ای او پی ایس ایل سلمان نصیر نے کہا کہ پی ایس ایل میں رواں سال اردو کمنٹری کو شامل کیا گیا، پی ایس ایل فرنچائززکو10 سال کے لائسنس جاری کیے گئے تھے۔
حکام کا کہنا تھا کہ قومی ٹیم کی حالیہ کارکردگی کیوجہ سے لوگ سٹیڈیمزنہیں آتے ہرفارمیٹ کیلئے الگ الگ ٹیمیں بنانے پرغور کیا جارہا ہے،پی سی بی حکام نے بریفنگ میں مزید کہا کہ ہماری خواتین کرکٹ ٹیم ورلڈ کپ کھیلنے بھارت نہیں جائے گی، چیمپئنز ٹرافی سے ڈھائی ارب روپے سے زائد کا منافع حاصل ہوا ہے۔