ویب ڈیسک:پاکستان سٹاک ایکسچینج میں کاروبار کے آغازپرمثبت رحجان دیکھنے میں آیا ہےجبکہ ڈالر بھی سستا ہو گیا۔
پاکستان سٹاک ایکسچینج میں 100 انڈیکس میں 368 پوائنٹس کا اضافہ ریکارڈ کیا گیا، 100 انڈیکس کو 1 لاکھ 14 ہزار 780 پوائنٹس پر ٹریڈ کرتے دیکھا گیا۔
گزشتہ روز پاکستان سٹاک مارکیٹ میں کاروبار کا اختتام منفی زون میں ہواتھا،گزشتہ روز ہنڈرڈ انڈیکس 11 پوائنٹس کی معمولی کمی کے ساتھ ایک لاکھ 14 ہزار 102 پوائنٹس کی سطح پر بند ہواتھا۔

یہ بھی پڑھیں : سٹیٹ بینک نے شرح سود میں ایک فیصد کمی کردی

فاریکس ڈیلرز کے مطابق کاروبار کے آغاز پر انٹربینک میں ڈالر 12پیسے تک سستاہوا،انٹربینک میں ڈالر 281روپے10پیسے کی سطح پرٹریڈ ہورہا ہے۔
خیال رہے کہ گزشتہ روز ڈالر 16 پیسے مہنگا ہوا اور انٹربینک میں 281 روپے 22 پیسے پر بند ہوا تھا ۔