ویب ڈیسک: اسرائیل کی غزہ پر بمباری کا سلسلہ جاری ہے،   گزشتہ 24گھنٹوں کے دوران  بمباری سے شہید فلسطینیوں کی تعداد 50 ہوگئی۔

غیر ملکی میڈیا  کے مطابق اسرائیل کے غزہ پر وحشیانہ حملے جاری ہیں جہاں 24 گھنٹوں کے دوران شہید فلسطینیوں کی تعداد50 ہوگئی ۔

غیر ملکی میڈیا کے مطابق خان یونس کے 8 شہدا میں زیادہ تر بچے اور خواتین شامل ہیں،گزشتہ روز اسرائیل نے غزہ کی مارکیٹ سمیت  مختلف علاقوں پر حملہ کرکے مزید 40 فلسطینیوں کو شہید کردیا تھا۔

واضح رہے کہ غزہ میں 7 اکتوبر 2023 سے جاری اسرائیلی جارحیت کے نتیجے میں شہید  ہونیوالے  فلسطینیوں کی تعداد 50 ہزار سے تجاوز کرگئی ہے۔