ایک نیوز:پاکستان اور نیوزی لینڈ کے مابین کھیلے جانے والے آخری ون ڈے میچ میں کیویز نے پاکستا ن کو جیت کیلئے265رنز کا ہدف دیا ہے۔

نیوزی لینڈ اور پاکستان کے درمیان سیریز کا آخری میچ ماؤنٹ مونگانوئی میں کھیلا جا رہا ہے،گیلی آؤٹ فیلڈ کی وجہ سے ٹاس تاخیر کا شکار ہوا،ماؤنٹ مونگانوئی میں گزشتہ روز بارش رہی جسکی وجہ سے آؤٹ فیلڈ گیلی تھی۔

میچ میں2گھنٹے تاخیر کے بعد ٹاس ہوا اور پاکستان نے ٹاس جیت کر نیوزی لینڈ کو پہلے بیٹنگ کی دعو ت دی،میچ تاخیر سے شروع ہونے پر42اوورز فی اننگز تک محدود کردیا گیا۔

یہ بھی پڑھیں: ہماری ٹیم کوئی ایسا کھلاڑی نہیں جو آؤٹ آف فارم ہے ، شاہین آفریدی

نیوزی لینڈ نے مقررہ 42 اوورز میں 8 وکٹ پر 264 رنز بنائے، کپتان مائیکل بریسویل 59 رنز بناکر ٹاپ سکورر رہے،ماریو نے 58 رنزکی اننگز کھیلی جبکہ ڈیرل مچل 43 اور ہینری نکلز نے 31 رنز بنائے۔

 پاکستان کی جانب سے عاکف جاوید نے 4 وکٹیں حاصل کیں،نسیم شاہ 2،فہیم اشرف اور سفیان مقیم نے 1،1  کھلاڑی کو آؤٹ کیا۔

تیسرے ون ڈے کیلئے قومی ٹیم میں ایک تبدیلی کی گئی ،حارث رؤف کی جگہ نسیم شاہ کو پلیئنگ الیون کا حصہ بنایا گیا ہے۔

خیال رہے کہ تین ون ڈےمیچز کی سیریز میں نیوزی لینڈ کو پاکستان کے خلاف 0-2 کی فیصلہ کن برتری حاصل ہے۔