ایک نیوز:وزیراعظم شہباز شریف نے نجی سکیم کے تحت عازمین حج کے بروقت انتظامات اور سعودی پالیسی فالو نہ کرنے کا نوٹس لے لیا ۔

وزیراعظم میاں شہباز شریف نے 3 رکنی اعلی سطح حج انتظامی کمیٹی تشکیل دیدی ،نجی سکیم کے تحت 70 ہزار کے قریب عازمین حج کےلیے انتظامات کو حتمی شکل نہ دی جاسکی ،وزیراعظم میاں شہباز شریف نے معاملے کے حل اور ذمہ داران کے تعین کے احکامات جاری کر دیئے ۔

وزیراعظم کی جانب سے 3 رکنی کمیٹی کی تشکیل دیتے ہوئے نوٹیفکیشن جاری کردیا گیا ،کمیٹی 3 اہم ترین نکات کا جائزہ لے لے وزیراعظم کو رپورٹ پیش کریگی، وزارت مذہبی امور کو مکمل معاونت کے احکامات تین رکنی کمیٹی سیکرٹری کابینہ اور چیئرمین ایف بی آر اور چیف سیکرٹری جی بی پر مشتمل کمیٹی تحقیقات کرے گی۔

 مملکتِ سعودی عرب کی 2025 میں نظرثانی شدہ پالیسی کو وزارتِ مذہبی امور و نجی حج آپریٹرز کے ذریعے کیوں نافذ نہیں کیا ،کمیٹی مذہبی امور کی جانب سے نجی حج آپریٹرز کے لیے مطلوبہ رسمی کارروائیاں مکمل کرانے کی کوششوں کا جائزہ لے گی۔

 علاوہ ازیں کمیٹی سعودی حکام کی جانب سے مقرر کردہ آخری تاریخ تک عمل مکمل کرانے بارے کاوش کرے گی ،کمیٹی سنگین کوتاہی کی ذمہ داری کا تعین کرے گی جن کی وجہ سے ہزاروں پاکستانی عازمین حج 2025 سے محروم ہونے کے خدشات بڑھے۔

 کمیٹی اپنی سفارشات تین دن کے اندر وزیرِ اعظم کو پیش کرے گی، وزارتِ مذہبی امور اور بین المذ ا ہب ہم آہنگی کمیٹی کو سیکریٹریٹ سپورٹ فراہم کرے گی۔