ویب ڈیسک :مشہور یوٹیوبر ڈکی بھائی کی موٹر وے پر خطرناک ڈرائیونگ کے مقدمے میں لاہور ہائیکورٹ سے حفاظتی ضمانت منظور ہو گئی۔
لاہور ہائی کورٹ کے جج جسٹس شہباز رضوی نے درخواست پر سماعت کی، ڈکی اپنے وکیل کے ہمراہ عدالت میں پیش ہوئے،عدالت نے حکم دیا کہ ملزم5مئی کو پیش ہو،خیال رہے کہ موٹروے پولیس نے یوٹیوبر کے خلاف تیز رفتاری اور غیر ذمہ دارانہ ڈرائیونگ کے الزامات کے تحت سرگودھا اور راولپنڈی میں دو الگ مقدمات درج کیے تھے۔ 
پولیس کا کہنا تھا کہ ڈکی نے نہ صرف 200 کلومیٹر فی گھنٹہ کی رفتار سے گاڑی چلائی بلکہ اپنی ویڈیو میں سٹیرنگ پر پاؤں رکھ کر ڈرائیونگ کرتے ہوئے کرتب بھی دکھایاجو کہ خطرناک غیر ذمہ دارانہ عمل ہے۔
واضح رہے کہ یہ واقعہ اُس وقت منظر عام پر آیا جب مذکورہ ویڈیو سوشل میڈیا پر وائرل ہوئی جسکے بعد موٹروے پولیس نے فوری کارروائی کرتے ہوئے مقدمات درج کیے۔