ایک نیوز:پاک فوج کے شعبہ تعلقات عامہ آئی ایس پی آرکے مطابق خیبرپختونخوا میں سیکورٹی فورسز نے 3آپریشنز کیےجس میں5خارجی دہشت گرد ہلاک ہو ئے۔
سیکورٹی فورسز کی کارروائیوں میں2خارجی دہشت پکڑے بھی گئے،سیکیورٹی فورسز نے خیبرپختونخوا میں تین الگ الگ کارروائیاں کیں ،باجوڑ، شمالی وزیرستان اور مہمند میں آپریشنز کیے گئے،باجوڑ میں فائرنگ کے تبادلے میں تین خوارج واصل جہنم ہوئے۔
ہلاک ہونے والوں میں اہم دہشتگرد فرید اللہ بھی شامل تھا،شمالی وزیرستان کے علاقے دوسالی میں دو دہشتگرد انجام کو پہنچے، مہمند میں خفیہ ٹھکانہ تباہ، دو خوارج گرفتار ہوئے۔
گرفتار ہونے والوں میں اہم خارجی لال امیر عرف ابراہیم بھی شامل ہے،آپریشنز کے دوران اسلحہ، گولہ بارود اور بارودی مواد برآمد ہوا،ہلاک خوارج متعدد دہشتگرد کارروائیوں میں ملوث تھے۔
آئی ایس پی آر کا کہنا ہے کہ علاقے میں کلیئرنس آپریشن جاری ہے،پاک فوج ملک سے دہشتگردی کے مکمل خاتمے کے لیے پرعزم ہے۔