ویب ڈیسک:جمہوریہ ڈومینیکن کے نائٹ کلب کی چھت گرنے سے سابق بیس بال کھلاڑی سمیت 98 افراد ہلاک ہو گئے۔

برطانوی میڈیا کے مطابق جمہوریہ ڈومینیکن کے دارالحکومت سانتو ڈومنگو کے ایک نائٹ کلب کی چھت گرگئی،جس کے باعث کم از کم 98 افراد ہلاک اور150سے زائد زخمی ہو گئے ہیں۔

یہ واقعہ گزشتہ روزعلی الصبح معروف گلوکار ربی پیریز کے کنسرٹ کے دوران پیش آیا،حکام کا کہنا ہے کہ  ہلاک ہونے والوں میں صوبائی گورنر اور سابق میجر لیگ بیس بال کھلاڑی اوکٹاویو ڈوٹیل بھی شامل ہیں ۔

حادثے کے وقت کلب کے اندر سیکڑوں افراد موجود تھے،حادثے کے بعد کئی افراد ملبے تلے دب گئے جن کی تلاش کیلئے ریسکیو آپریشن جاری ہے،خدشہ کیا جا رہا ہے کہ ہلاکتوں کی تعداد میں مزید اضافہ ہو سکتا ہے۔ 

البتہ ایمرجنسی آپریشنز سینٹر کے ڈائریکٹر نے امید ظاہر کی ہے کہ ملبے کے نیچے کئی افراد اب بھی زندہ ہو سکتے ہیں،جمہوریہ ڈومینیکن کے صدر نے اس واقعے پر متاثرہ خاندانوں سے گہرے دکھ اور ہمدردی کا اظہار کیا ہے