ایک نیوز: پاکستان مسلم لیگ (ن) کے صدر و سابق وزیر اعظم محمد نوازشریف سے سب بڑی عالمی کرپٹو کرنسی ایکسچینج ڈیننس کے سابق سی ای او اور بانی چانگ پنگ ژاؤ  نے ملاقات   کی ہے۔

تفصیلات کے مطابق وزیراعلیٰ مریم نوازشریف اورپاکستان کرپٹو کونسل کے سی ای او بلال بن ثاقب بھی ملاقات میں موجود  تھے۔

قائد محمد نواز شریف اور وزیراعلی ٰ مریم نواز شریف نےچانگ پنگ ژاؤکی پاکستان کرپٹو کونسل کے سٹریٹجک ایڈوائزر کے طورپر تقررکا خیر مقدم کیا۔

انہوں نے  چانگ پنگ ژاؤکا تقرر ویب تھری اور ڈیجیٹل فنانس میں ریجنل ہب کے طور پر پاکستان کی شناخت کے اظہار کے لئے معاون قرار  دیا۔

ملاقات میں ملک میں ڈیجیٹل اکانومی پر تبادل خیال  ہوا ،جبکہ اختراعی علوم کے ذریعے ترقی کے ویژن کو اپنانے پر اتفاق   کیا گیا۔

ڈیننس کے بانی نے پاکستان میں تین مرتبہ وزیر اعظم رہنے والے مسلم لیگ (ن)کے قائد محمد نوازشریف کے ایمرجنگ ٹیکنالوجیز کے فروغ کے  ویژن  کو خراج تحسین پیش کیا۔ 

ملاقات میں ڈیجیٹل اثاثہ جات اور فیوچرٹیکنالوجی میں نوجوانوں کی شراکت کے امور پر بھی گفتگو  کی گئی ،  چانگ پنگ ژاؤ نے ابھرتی بلاک چین ٹیکنالوجی اورگلوبل انٹر پرینیور شپ کے امکانات سے آگاہ کیا ، جبکہ   ڈیجیٹل ٹرانسفارمیشن کے لئے جدید علوم کے رجحانات کے فروغ پر اتفاق  کیا گیا۔

 اس موقع پر محمد نوازشریف   نے  کہا کہ  مسٹر ژ اؤ جیسی قابل قدر شخصیات سے ملاقات میں ترقی اور مواقع کی نئی راہیں ہموار ہوتی ہیں ، پاکستان اختراعی تبدیلیوں کا شراکت دار بننے کے لئے تیار ہے، پاکستان کو دورجدید کے تقاضوں کے مطابق تیز ی سے بدلتی ہوئی ٹیکنالوجیز کو اپنانا ہوگا۔

وزیراعلیٰ پنجاب مریم نواز شریف نے کہا کہ  نوجوانوں کو آئی ٹی سکلز سکھا کر عالمی ڈیجیٹل مارکیٹ کے لئے تیار کررہے ہیں ، پنجاب مستقبل کی ٹیکنالوجیز کو اپنانے کے لئے بالکل تیار ہے، ہماری پوری توجہ نالج بیسڈ ٹیکنالوجی پر مرکوز ہے ، نالج بیسڈ ٹیکنالوجی نئی جنریشن کو اختراعی اور ڈیجیٹل انٹر پرائز کی راہ گامزن کرے گی۔

ڈیننس کے سی اوچانگ پنگ ژاؤ نے شاندار میزبانی  پر  مسلم لیگ(ن) قائد محمد نوازشریف کا شکریہ ادا کیا  اور  ڈیجیٹل علوم میں پاکستانی نوجوانوں کی صلاحتیوں کو سراہا۔