ایک نیوز:پی ایس ایل میں اردو کمنٹری کے لیے پی سی بی اور ولی کے مابین پارٹنرشپ ہو گئی۔
پاکستان کرکٹ بورڈ اور اس کے آفیشل ڈیجیٹل رائٹس ہولڈر ولی کے درمیان سٹریم کرنیوالےشائقین تک اردو کمنٹری فراہم کرنے کے لیے پارٹنرشپ ہوئی۔
پی ایس ایل10 میں پہلی بار مکمل طور پر اردو کمنٹری ہورہی ہے، ولی نے پاکستان میں پی ایس ایل کی سٹریمنگ کے لیے چار سٹریمنگ پلیٹ فارمز تماشا، مائیکو ، دراز اور ٹیپمیڈ کو ذیلی لائسنس بھی دیا ہے۔
ولی کے سی ای او احسن طاہرکا کہنا ہے کہ یہ قومی فخر کا لمحہ ہے، ہماری قومی زبان کا جشن ہے اور ملک کے ہر کونے کے لیے حقیقی معنوں میں کرکٹ کو شامل کرنے کی طرف ایک قدم ہے۔
یہ بھی پڑھیں : پی ایس ایل ایڈیشن میں ٹاپ سکورربیٹر اوربائولر کون؟
پی ایس ایل کے چیف ایگزیکٹو آفیسر سلمان نصیرنے کہا کہ پی ایس ایل آفیشل نشریات کے ساتھ ساتھ لائیو سٹریمنگ پلیٹ فارمز پر مکمل میچ کی اردو کمنٹری کی دستیابی کے ساتھ ملک بھر میں شائقین کو جوش دلانے کے لیے تیار ہے۔
انہوں نے کہا کہ ہم ولی اور ان کے ذیلی لائسنس یافتہ سٹریمنگ پارٹنرز کے شکر گزار ہیں جو پی سی بی کے ساتھ ہیں تاکہ ملک بھر میں ایچ بی ایل پی ایس ایل کی رسائی اور اثرات کو ہمارے لاکھوں مداحوں تک پہنچایا جا سکے۔
