ایک نیوز:آئی سی سی ویمنز ورلڈ کپ کوالیفائر میںآج پاکستان نے سکاٹ لینڈ کو 6 وکٹ سے ہرا دیا ۔
پاکستانی ویمنز ٹیم نے 182 رنز کا ہدف چار وکٹوں پر پورا کر لیا، عالیہ ریاض نے ناقابل شکست 68 ، منیبہ علی نے 71 رنز کی باری کھیلی ،بارش کے باعث میچ 32، 32 اوورز تک محدود کیا گیا تھا۔
اسکاٹ لینڈ کی ٹیم نے 9 وکٹ پر 186 رنز بنائے تھے ،کپتان کیتھرین براس 91 رنز بناکر نمایاں رہیں۔
سکاٹ لینڈ ویمنز ٹیم پر5رنز کی پنالٹی بھی لگائی گئی تھی، پاکستان ویمنز ٹیم کا ہدف187رنز سے کم ہوکر 182 ہوگیا، ایونٹ میں پاکستان ویمنز ٹیم کی یہ مسلسل دوسری فتح ہے۔
