ایک نیوز:آپریشن بُنْيَانٌ مَّرْصُوْص (آہنی دیوار)کو جاری رکھتے ہوئے ہوئے پاک فضائیہ نے دشمن کے دو جنگی طیارے مار گرائےہیں جبکہ دونوں بھارتی پائلٹ زندہ گرفتار کر لیا گیا ہے۔

2انڈین پائلٹ گرفتار ،انڈین جہاز کا ملبہ پاکستانی حدود میں گرا،پاک فضائیہ اور میزائل کمانڈ نے دشمن کے 20 سے زائد حساس فوجی اہداف کو نشانہ بنایا،برہموس میزائل ذخیرہ مکمل تباہ ، بھارت کا فخر، راکھ بن گیا، اودھمپور ایئربیس و دفاعی نظام مفلوج، پٹھان کوٹ، جالندھر، گجرات، راجستھان، چندی گڑھ ہر بیس، ہر ٹاور ہلا دیا۔
 

دہلی تک میزائل کی ضرب پہنچی ، بھارت کا دارالحکومت پہلی بار جنگ کی گھن گرج کے سائے میں، سری نگر میں20بھارتی فوجی ہلاک  ہوئے،قابض فوج پر قہر9مئی کو بھارتی چیک پوسٹس تباہ کی گئیں۔

یہ صرف میدان جنگ نہیں، ڈیجیٹل محاذ پر بھی پاکستان نے دشمن کو مفلوج کر دیا ہے،10بڑے توانائی نظام تباہ،1744 بھارتی ویب سرورز مکمل ڈیلیٹ، انڈین ریلوے، دہلی گیس، کشمیر پاور نیٹ ورک بند،1300کیمرے، 120 روٹرز، 500 ڈیٹا بیس تباہ، BJP، میڈیا اور حکومتی ویب سائٹس ہیک اور ڈیفیس،150 حساس ڈیٹا بیس چوری لیک کر دیے گئے۔

یہ بھی پڑھیں : آپریشن بُنْيَانٌ مَّرْصُوْص (آہنی دیوار)جاری،بھارتی اڑی فیلڈ سپلائی ڈپو،بٹھنڈہ ائیر فیلڈ اوراکھنور ایوی ایشن بیس بھی تباہ

خیال رہے کہ پاکستان نے آپریشن ’’بنیان مرصوص‘‘ کا آغاز کرتے ہوئے فجر کے وقت بھارتی جارحیت پر جوابی کارروائی شروع کردی۔

سکیورٹی ذرائع کے مطابق پاکستان کی جانب بھارت کے خلاف بھرپور جوابی کارروائی کی گئی،  بھا ر ت میں متعدد اہداف کو نشانہ بنایا گیا،آپریشن ’’بنیان مرصوص‘‘ جس کا مطلب ’’سیسہ پلائی دیوار‘‘ ہے کے نتائج آنا شروع ہو گئے ہیں۔

 آپریشن کے دوران بھارتی علاقے بیاس میں براہموس میزائل کا ڈپو تباہ کردیا گیا، ایئر بیس ادھم پور اور پٹھان کوٹ میں ایئر فیلڈ کو بھی تباہ کر دیا گیا، ادھم پور ایئر بیس کو 3 میزائلوں سے نشانہ بنایا گیا۔

سکیورٹی ذرائع نے بتایا کہ پاکستان کی جانب سے آدم پور ایئر فیلڈ کو بھی نیست و نابود کر دیا گیا ہے، آدم پور ایئر فیلڈ سے پاکستان، امرتسر اور افغانستان پر میزائل داغے گئے تھے، بھارتی آرٹلری گن پوزیشن دہر نگیاری کو تباہ کر دیا گیا ہے۔

سکیورٹی ذرائع نے مزید بتایا ہے کہ بھارتی بریگیڈ ہیڈ کوارٹرز کے جی ٹاپ، سپلائی ڈپو اڑی کو بھی تباہ کر دیا گیا ہے، سائبر اٹیک کے ذریعے بھارت کے 70 فیصد بجلی کے گرڈز کو ناکارہ کر دیا گیا جس کے باعث ہندوستان میں اندھیرا چھا گیا۔

سکیورٹی ذرائع کے مطابق جہاں سے پاکستان کے عوام اور مساجد پر حملے کئے گئے تھے ان کو فتح ون میزائل سے ٹارگٹ کیا جارہا ہے، بھارت کے مختلف علاقوں میں دھماکوں کی آوازیں بھی سنی جارہی ہیں۔

بھارتی میڈیا نے اعتراف کیا کہ پاکستان کی جانب سے بھارت میں 26 اہداف کو نشانہ بنایا گیا ہے۔

واضح رہے کہ بھارتی طیاروں نے پاکستان میں3 ایئر بیسز پر میزائل داغے تھے، جس کے دوران نورخان ایئربیس، مرید بیس اور شورکوٹ کو نشانہ بنایا گیا تھا، بھارت نے فضا سے زمین پر مار کرنے والے میزائل داغے تھے۔

پاکستان کا جوابی وار جاری ہے، بیشتر بھارتی ویب سائیٹس ہیک کر لی گئیں ۔

یہ بھی پڑھیں : امریکی وزیر خارجہ کا پاکستانی سیاسی و عسکری قیادت سے رابطہ ، تحمل سے کام لینے کا مشورہ

پاکستانی سائبر حملے میں بیشتر بھارتی ویب سائٹس کو ہیک کر لیا گیا ،بی جے پی کی آفیشل ویب سائٹ کو ہیک کر لیا گیا ہیک کی گئی۔

 ویب سائٹس میں کرائم ریسرچ انویسٹگیشن ایجنسی، ماہا نگر ٹیلی کمیونیکیشن کمپنی لمیٹڈ، بھارت ارتھ موورز لمیٹڈ، آل انڈیا نیول ٹیکنیکل سپروائزری سٹاف ایسوسی ایشن شامل ہیں ۔
ہیک کی گئی سائٹس کا مکمل مواد اڑا دیا گیا ہے، ہیک کی گئی مزید ویب سائٹس میں ہندوستان ایرونا ٹکس لمیٹڈ، بارڈر سیکورٹی فورسز، یونیک آڈنٹیفیکش اتھارٹی آف انڈیا کا ڈیٹا لیک کر دیا ہے۔

 ڈیٹا لیک سائٹس میں انڈین ائیر فورس، مہاراشٹر الیکشن کمیشن اور دیگر شامل ہیں اسکے علاوہ 2500 سے زائد سرویلنس کیمرے بھی ہیک کر لئے گئے ہیں۔

قبل پاکستان کے حملے میں بھارتی پاکستان ائیر فورس کے جے ایف 17 تھنڈر کے ہائپر سونک میزائلوں نے آدم پور میں بھارت کا S-400 سسٹم تباہ کر دیا S -400 ائیر ڈیفنس سسٹم کی مالیت لگ بھگ 1.5 بلین ڈالر ہے۔

سیکیورٹی ذرائع کا کہنا ہے کہ پاکستان کا کوئی لڑاکا طیارہ تباہ نہیں ہوا، پائلٹ کو پکڑنے کی بھارتی میڈیا کی خبریں بے بنیاد اور من گھڑت ہیں ۔